Bakı, 26 may (AZƏRTAC). Mayın 26-da Xətai rayonunun ərazisində müvəqqəti saxlanma təcridxanasının yaxınlığında partlayıcı qurğunun olması barədə Fövqəladə Hallar Nazirliyinə (FHN) məlumat daxil olmuşdur.

FHN-dən AZƏRTAC-a bildirmişlər ki, dərhal nazirliyin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilmişlər. Xilasedicilər hüquq mühafizə orqanlarının mütəxəssisləri ilə birgə apardıqları axtarış işləri nəticəsində ərazidə şübhəli əşya aşkar etməmişlər.