NARKOTİK MADDƏ ALVERÇİSİ “İŞ BAŞINDA” YAXALANMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsinin cənub bölgəsində regional şöbəsi əməkdaşlarının keçirdikləri əməliyyat tədbirləri nəticəsində Lənkəran rayon sakini, əvvəllər məhkum olunmuş Vüqar Abbasov 0,218 qram heroini satarkən tutulmuşdur. Ondan əlavə 0,182 qram heroin götürülmüşdür.
Nərimanov Rayon Polis İdarəsi 16-cı bölməsinin əməkdaşları Bakı şəhər sakini İqor Dikonindən 0,229 qram, Yasamal Rayon Polis İdarəsinin işçiləri Elçin Pənahovdan 0,229 qram, Sumqayıt Şəhər Polis İdarəsinin əməkdaşları şəhər sakini Elşad Səfərovdan 0,198 qram, Xızı rayon sakini Kamran Axundovdan 0,219 qram heroin müsadirə etmişlər.
Faktlarla bağlı cinayət işi açılmışdır.
Bərdə Rayon Polis Şöbəsinin əməkdaşları Həsənqaya kəndinin ərazisindən yabanı halda bitmiş, çəkisi 424 kiloqram olan 530 ədəd çətənə kolunu yığaraq məhv etmişlər.
Bölmənin digər xəbərləri
