NATO Qara dənizdə genişmiqyaslı hərbi təlimlər keçirəcək
Tbilisi, 4 aprel, AZƏRTAC
NATO aprelin 5-dən 13-dək Qara dənizdə «Dəniz sipəri-2019» adlı genişmiqyaslı çoxmillətli hərbi təlimlər keçirəcək.
AZƏRTAC Gürcüstan mətbuatına istinadla xəbər verir ki, Qara dənizin Rumıniya hissəsində və beynəlxalq ərazi sularında keçiriləcək təlimlər regionda ən genişmiqyaslı təlimlər olacaq.
Təlimlərə Rumıniyanın 14 gəmisi ilə yanaşı, Bolqarıstan, Kanada, Yunanıstan, Niderland və Türkiyənin hərbi gəmiləri də qatılacaq.
Hərbi təlimlərdə 2200 hərbi qulluqçu birgə sualtı hərbi hücumların qarşısının alınması, yerüstü və hava hücumlarından müdafiə, təhlükələrə qarşı hazırlıq və digər əməliyyatlarda iştirak edəcəklər.
Təlimlər BMT-nin mandatı altında təşkil olunacaq.
Qeyd edək ki, hazırda Qara dənizdə NATO-nun 2-ci daimi hərbi-dəniz qrupunun (SNMG2) 6 döyüş gəmisi xidmət aparır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
