Nazir müavini Ağstafa rayonunda vətəndaşların müraciətini dinləyəcək
Bakı, 5 noyabr, AZƏRTAC
Əmək və əhalinin sosial müdafiəsi nazirinin müavini Hidayət Abdullayev noyabrın 18-də Ağstafa rayonunda həmin rayonun sakinlərinin müraciətini dinləyəcək.
O, həmin gün vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətlərini cavablandıracaq, müraciətlərdə əksini tapan məsələlərin həlli ilə əlaqədar tədbirlər görəcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, vətəndaşlar noyabrın 5-dən 15-dək nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
Vətəndaşlar əvvəlcədən tərtib edilmiş siyahı əsasında dinləniləcəklər.
Bölmənin digər xəbərləri
