“Nə? Harada? Nə vaxt?” oyununun yaz seriyası keçiriləcək
Moskva, 15 may, AZƏRTAC
Xalq Təsərrüfatı Nailiyyətləri Sərgisinin (XTNS) “Azərbaycan” pavilyonunda məşhur “Nə? Harada? Nə vaxt?” intellektual oyununun yaz seriyası təşkil olunacaq.
AZƏRTAC xəbər verir ki, oyunun yaz seriyası mayın 25-də keçiriləcək.
Kubok uğrunda gənclər hərəkatlarının, ictimai təşkilatların, dövlət qurumlarının və korporasiyaların nümayəndələri mübarizə apara bilərlər. Qalibləri təşkilatçıların xatirə hədiyyələri və qiymətli mükafatlar gözləyir.
Oyunun təşkilat komitəsi oyunda iştirak üçün müraciətlərin qəbulunu elan edir. Ətraflı məlumatı [email protected] e-poçt ünvanına yazmaqla əldə etmək mümkündür.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
