“NEFT DAŞLARI” YATAĞINDAKI QUYULARDA TƏMİR İŞLƏRİ APARILIR
AZƏRTAC xəbər verir ki, “Neft daşları” NQÇİ üzrə hasilatın artırılması məqsədilə yataqda yeni quyular qazılır, fəaliyyətsiz fonddakı quyular isə təmir edilərək, yenidən işlək vəziyyətə gətirilir.
Azərbaycan Respublikası Dövlət Neft Şirkətindən bildirmişlər ki, hazırda “Neft daşları” NQÇİ üzrə fəaliyyətsiz fondda olan 1123, 2303 və 2313 nömrəli quyularda təmir işləri aparılır. İyunun ortalarınadək istismara daxil edilməsi planlaşdırılan quyulardan sutkada orta hesabla 25 ton neft hasil ediləcəyi bildirilir.
Təmir işlərini “Neft daşları” NQÇİ-nin quyuların əsaslı yeraltı təmir sexi həyata keçirir.
Bölmənin digər xəbərləri
