Neftin qiyməti artmışdır
Bakı, 18 avqust (AZƏRTAC). Dünya birjalarında neftin qiyməti artmışdır.
Nyu-Yorkun “NYMEX” (New York Merchantile Exchange) birjasında “Layt” markalı neftin bir barrelinin qiyməti 93 sent artaraq 87,58 dollar, Londonun İCE (İnterContinental Exchange Futures) birjasında keçirilən hərraclarda “Brent” markalı neftin bir barrelinin qiyməti 1,47 dollar bahalaşaraq 110,60 dollar olmuşdur.
Azərbaycan Respublikası Dövlət Neft Şirkətinin Marketinq və İqtisadi Əməliyyatlar İdarəsindən AZƏRTAC-a bildirmişlər ki, “Azəri Layt” markalı neftin bir barrelinin qiyməti London birjasında 1,28 dollar yüksələrək 115,81 dollara satılmışdır.
Bölmənin digər xəbərləri
