“NETTY 2008” MÜSABİQƏSİNİN QALİBLƏRİ ELAN EDİLMİŞDİR
AZƏRTAC xəbər verir ki, mayın 17-də Bakı Əyləncə Mərkəzində “NETTY 2008” milli internet mükafatının təqdimetmə mərasimi keçirilmişdir. Mərasim zamanı münsiflər heyəti 41 finalçıdan 14 nominasiya üzrə qalibləri elan etmişdir.
“Milli informasiya texnologiyalarının inkişafında olan əməyinə görə” fəxri nominasiya mükafatına rabitə və informasiya texnologiyaları nazirinin müavini Elmir Vəlizadə layiq görülmüşdür.
Təşkilat Komitəsinin sədri Ruslan Novruzov dəstəyə görə rabitə və informasiya texnologiyaları, mədəniyyət və turizm, gənclər və idman nazirliklərinə minnətdarlığını bildirmişdir. O, tədbirin ənənəvi baş sponsoru “AzEuroTel” şirkətinin dəstəyindən xüsusilə razı qaldığını qeyd etmişdir. Bu il müsabiqənin rəsmi tərəfdaşı HP şirkətinin Azərbaycandakı nümayəndəliyi olmuşdur.
