Nizami Cəfərov: “Abay” kitabı Türk dünyası və onun mədəni əlaqələri baxımından böyük əhəmiyyət daşıyır
Bakı, 23 aprel, AZƏRTAC
Görkəmli qazax yazıçısı Muxtar Auezovun bu gün təqdimatı keçirilən “Abay” kitabı Türk dünyası və onun mədəni əlaqələri baxımından böyük əhəmiyyət daşıyır. Onun “Abay” əsəri təkcə qazax ədəbiyyatının deyil, həm də ümumtürk mədəniyyətinin ən qiymətli irs nümunələrindən sayılır.
Bu sözləri AZƏRTAC-a açıqlamasında Azərbaycanda Atatürk Mərkəzinin direktoru, akademik Nizami Cəfərov söyləyib.
"Abay Kunanbayev yalnız bir yazıçı və şair deyil, eyni zamanda, maarifçi, filosof və qazax mədəniyyətinin formalaşmasında mühüm rol oynamış böyük şəxsiyyətdir. Abayın irsi Türk dünyasına və ümumilikdə dünya ədəbiyyatına dərin təsir göstərib", - deyə o qeyd edib.
N.Cəfərovun sözlərinə görə, bu cür əsərlərin yenidən nəşri bizim zəngin tarixi və ədəbi ənənələrimizin davamıdır. "Bütün bunlar bizdən tələb edir ki, ümumtürk mədəni irsinə daha həssas və məsuliyyətli yanaşaq, tarixi birliyimizi qoruyub saxlayaraq və gələcək nəsillərə ötürək. Gənc nəsillər anlamalı və dərk etməlidir ki, onların Türk dünyasından daha yaxın, daha səmimi və daha perspektivli bir mənəvi ailəsi yoxdur", - deyə Nizami Cəfərov diqqətə çatdırıb.
Bölmənin digər xəbərləri
