Növbəti TOEFL iBT imtahanı keçiriləcək
Bakı, 10 iyun, AZƏRTAC
Təhsildə Qiymətləndirmə Xidmətinin (Educational Testing Service TOEFL iBT imtahanı iyunun 12-də Dövlət İmtahan Mərkəzinin (DİM) Süleyman Sani Axundov və Əhməd Rəcəbli küçələrinin kəsişməsində yerləşən elektron imtahanlar korpusunda təşkil olunacaq.
Bu barədə AZƏRTAC-a DİM-dən məlumat verilib. İmtahan verəcək şəxslər saat 08:00-dan gec olmayaraq şəkilli şəxsiyyət vəsiqəsi və ya ümumvətəndaş pasportu ilə birlikdə imtahan binasında olmalıdırlar. İmtahan saat 09:00-da başlanacaq.
Yaşı 15 və daha aşağı olan uşaqlar imtahan binasına valideynləri ilə birlikdə gəlməlidirlər.
TOEFL iBT imtahanı haqqında daha ətraflı məlumatla DİM-in səhifəsindən tanış olmaq mümkündür.
Bölmənin digər xəbərləri
