OĞUZDA YAZLIQ BİTKİLƏR ƏKİNİ DAVAM EDİR
Oğuz Rayon İcra Hakimiyyətindən AZƏRTAC-a bildirmişlər ki, rayonun təsərrüfatlarında yazlıq bitkilərin əkini mütəşəkkil davam edir.
İndiyədək 2 min hektara yaxın sahədə yazlıq bitkilərin əkini həyata keçirilmişdir ki, bu da keçən ilin müvafiq dövrünə nisbətən 305 hektar çoxdur. Bucaq, Baş Daşağıl, Xalxal, Filfili, Muxas, Söyüdlü, Qumlaq və Sincan kəndlərində yazlıqların əkini daha mütəşəkkil təşkil olunmuşdur.
Keçən ilin eyni dövrü ilə müqayisədə bu il rayonda dən üçün qarğıdalı əkilmiş sahələr 2,3 dəfə, bostan 2,5 dəfə, tərəvəz sahələri 38,5 faiz, kartof sahələri isə 17,4 faiz artmışdır.
Rayonda yazlıq bitkilərin əkini davam edir. Fermerlər əkin kampaniyasını mayın sonunadək başa çatdırmağı planlaşdırırlar.
Bölmənin digər xəbərləri
