OKTYABRDA MOSKVADA “CİSCO EXPO-2007” KONFRANSI KEÇİRİLƏCƏKDİR
AZƏRTAC xəbər verir ki, oktyabrın 16-dan 18-dək Moskvada informasiya texnologiyaları üzrə illik “Cisco Expo-2007” konfransı keçiriləcəkdir.
Rusiyanın paytaxtında artıq səkkizinci dəfə təşkil olunan tədbir iştirakçıların sayına görə MDB məkanında ən çoxsaylı hesab edilir.
“Cisco”nun intellektual informasiya şəbəkəsi - yeni imkanlar üçün platforma” şüarı altında keçiriləcək builki konfransda iştirakçılara şəbəkə texnologiyaları və internet üçün avadanlıq sahəsində dünya liderinin yeni işləmələri, o cümlədən “Cisco”nun gələcək inkişaf strategiyası haqqında ətraflı məlumat təqdim ediləcəkdir.
Konfransda Azərbaycan da təmsil olunacaqdır.
İnformasiya texnologiyaları sənayesi üzrə dünyanın ən iri tədbirlərindən biri sayılan “Cisco Expo” konfransı hər il müxtəlif ölkələrdə təşkil edilir.
Bölmənin digər xəbərləri
