COP29
Oman nümayəndəsi: COP29-da iqlim dəyişikliyi ilə mübarizədə ehtiyac duyulan maliyyə vəsaitinin təmin edilməsinə nail olacağıq
Bakı, 12 noyabr, AZƏRTAC
COP29-da iqlim dəyişikliyi ilə mübarizədə ehtiyac duyulan maliyyə vəsaitinin təmin edilməsinə nail olacağıq.
Bu sözləri AZƏRTAC-a açıqlaması zamanı Oman nümayəndəsi Xalid Muhəmməd Hatəm əl-Bəluşi deyib.
O vurğulayıb ki, logistika tənzimləmələri, həmçinin məkan hazırlıqları çox fantastikdir.
“Tədbirin keçirildiyi ərazi möhtəşəmdir. Bütün iştirakçıların ehtiyac duyduğu tam şəraitlə təchiz edilib. Qeydiyyat çox rahat keçdi. Üstəlik, müxtəlif istiqamətlərdən gələn ictimai nəqliyyatın tənzimləmə yolu, iştirakçılara servis xidməti çox yaxşı təşkil edilib. Həmçinin konfrans otaqlarına, iclas otaqlarına giriş və hətta burada nəzərdə tutulan digər obyektlər xüsusi hazırlanıb və yaxşı idarə edilib. Buna görə də, Azərbaycan hökuməti tərəfindən təşkil edilən tədbiri çox yüksək qiymətləndirirəm”, - deyə Xalid Muhəmməd Hatəm əl-Bəluşi əlavə edib.
Bölmənin digər xəbərləri
