Ombudsman: Tarixi Qələbə Azərbaycanı daha güclü və nüfuzlu dövlətə çevirdi VİDEO
Bakı, 18 iyun, AZƏRTAC
Otuz ildən çox işğal altında qalan torpaqlarımız Prezident, Müzəffər Ali Baş Komandan İlham Əliyevin rəhbərliyi ilə azad olundu, ölkəmizin beynəlxalq səviyyədə tanınmış ərazi bütövlüyü və suverenliyi tam olaraq bərpa edildi. Həmçinin bölgədə sülh şəraiti və sabitlik təmin olundu. Bu tarixi Qələbə Azərbaycanı daha güclü və nüfuzlu bir dövlətə çevirdi, ölkəmizin beynəlxalq arenada etibarlı tərəfdaş kimi tanınmasına və qlobal problemlərin müzakirə olunduğu məkana çevrilməsinə geniş imkanlar yaratdı.
AZƏRTAC xəbər verir ki, bu sözləri Azərbaycan Respublikasının İnsan hüquqları üzrə müvəkkili (ombudsman) Səbinə Əliyeva Bakıda "Qanunun aliliyinin gücləndirilməsi: ombudsmanların və milli insan hüquqları institutlarının rolu” mövzusunda keçirilən Ombudsmanların Beynəlxalq Simpoziumunda söyləyib.
S.Əliyeva əlavə edib ki, Azərbaycan Respublikası Konstitusiyasının qəbulunun 30-cu və Vətən müharibəsində Qələbəmizin 5-ci ildönümü münasibətilə, həmçinin Azərbaycan Prezidentinin Sərəncamına əsasən elan olunmuş “Konstitusiya və Suverenlik İli” çərçivəsində təşkil edilmiş bugünkü Beynəlxalq Simpozium qanunun aliliyinin və suverenlik dəyərlərinin təbliği və təşviqi nöqteyi-nəzərindən xüsusi önəm daşıyır.
Bölmənin digər xəbərləri
