OMBUDSMAN VARŞAVADA KEÇİRİLMİŞ BEYNƏLXALQ KONFRANSDA İŞTİRAK ETMİŞDİR
Azərbaycan Respublikasının insan hüquqları üzrə müvəkkili Elmira Süleymanova Varşavada Dünya İnsan Hüquqları Bəyannaməsinin 60 illik yubileyi və Polşa Ombudsman İnstitutunun yaradılmasının 20-ci ildönümü münasibətilə keçirilmiş beynəlxalq konfransda iştirak etmişdir.
Ombudsman Aparatından AZƏRTAC-a bildirmişlər ki, ilk plenar sessiyada dövlət rəsmiləri, marşal Bronislav Komorovski və vitse-marşal Zbiqnev Romaşevski iştirak edərək yubiley münasibətilə Polşa ombudsmanına təbrilkərini çatdırmış, qonaqları salamlamışlar.
Fransa və Almaniyadan dəvət olunmuş ekspertlər “Azadlıq” və “Həqiqət” mövzularında, Polşa ombudsmanı Yanuş Koxanovski isə “Ədalət” mövzusunda məruzələr etmişlər. Sonra milli insan hüquqları təsisatlarının dünəni, bu günü və gələcəyi mövzusunda çıxışlar dinlənilmişdir. Ombudsman institutlarının nümayəndələri təmsil etdikləri ölkələrdə insan hüquqları sahəsində problemlər barədə məlumat vermiş, həmkarları ilə təcrübələrini bölüşmüşlər.
E.Süleymanovanın Polşa Ombudsman İnstitutunun yaradılmasının 20-ci ildönümü münasibətilə təbriki rəğbətlə qarşılanmışdır.
Bölmənin digər xəbərləri
