Bakı, 25 sentyabr (AZƏRTAC). Avstriyanın OMV şirkəti Azərbaycandakı fəaliyyətini genişləndirmək istəyir.

AZƏRTAC Türkiyə KİV-lərinə istinadla xəbər verir ki, Şimali İraqda təbii qaz axtarışı üzrə kəşfiyyat işləri apardıqlarını deyən Avstriyanın OMV şirkətinin nümayəndəsi Gerhard Roiss Azərbaycanda da bu istiqamətdə fəaliyyət göstərə biləcəklərini bildirmişdir. Əgər qonşu ölkələrdən təbii qaz ala bilsək, Türkiyədə qaz-kompressor stansiyalarına sərmayə qoymaqda davam edəcəyik. Bununla yanaşı, Türkiyə hökumətinin “Nabukko”ya verdiyi dəstəkdən də məmnunuq, - deyə Gerhard Roiss əlavə etmişdir.

Qeyd edək ki, Avstriyanın OMV şirkəti Türkiyənin BOTAŞ,

Bolqarıstanın “Bulgargaz”, Rumıniyanın “Transgaz”, Macarıstanın MOL, və Almaniyanın RWE şirkətlərinin də daxil olduğu “Nabukko” konsoriumunda pay sahibidir.