ORACLE KORPORASİYASI ADMİNSERVER ŞİRKƏTİNİN ALINMASI BARƏDƏ RAZILAŞMA ƏLDƏ ETDİYİNİ BİLDİRMİŞDİR
AZƏRTAC xəbər verir ki, Oracle korporasiyası sığorta polislərinin idarə olunması üçün nəzərdə tutulan proqram təminatlarının hazırlanmasında ixtisaslaşan, sürətlə inkişaf edən AdminServer şirkətinin alınması barədə razılaşma əldə etmişdir.
AdminServer sığorta sahəsi üçün nəzərdə tutulmuş Oracle proqram məhsulları kompleksinin əsas komponentlərindən olacaqdır.
AdminServer məhsullarının çeşidi Oracle şirkətinin “Oracle Billing”, “Siebel Claims” və “Siebel CRM for Insurance” kimi həllərini tamamlayacaq və sığorta sahəsi üçün nəzərdə tutulmuş həllərin hazırlanması prosesini nəzərəçarpacaq dərəcədə sürətləndirməyə imkan verəcəkdir.
Oracle şirkətinin strukturunda xüsusi qlobal biznes vahidi yaradılacaq və buraya AdminServer şirkətinin rəhbərləri, sığorta sənayesi üçün mühüm əməliyyat proqramlarını hazırlayacaq əməkdaşları daxil olacaqlar. Bu biznes vahidin baş direktoru vəzifəsinə AdminServer şirkətinin baş icraçı direktoru Rik Konors (Rick Connors) təyin ediləcəkdir.
