Ötən il Neftçalada süd, yumurta və yun istehsalı artıb
Neftçala, 30 yanvar, Mahir Babayev, AZƏRTAC
Neftçalada aqrar sahənin digər bölmələri ilə yanaşı, heyvandarlığın inkişafına da xüsusi diqqət yetirilir. Rayonda bu sahənin inkişafını sürətləndirmək, heyvandarlıq məhsulları istehsalını daha da artırmaq məqsədilə yeni-yeni heyvandarlıq və quşçuluq təsərrüfatları yaradılır, mal-qaranın cins tərkibinin yaxşılaşdırılmasına diqqət yetirilir. Həyata keçirilən tədbirlər nəticəsində rayonda heyvanların baş sayı, ət, süd, yumurta və yun istehsalı ilbəil artır, mal-qaranın cins tərkibi yaxşılaşır.
Rayon Statistika İdarəsinin rəisi Şahin Mənəfov AZƏRTAC-ın bölgə müxbirinə bildirib ki, hazırda rayonun heyvandarlıq və fərdi təsərrüfatlarında 42 min 741 baş mal-qara və 141 min 378 baş qoyun-keçi saxlanılır. Ana inək və camışların sayı 20 min 959 baş təşkil edir. Qoyun və keçilərin sayı 2017-ci ildəkinə nisbətən 705 baş artıb.
Bu il yanvarın 1-nə rayonda 13 min 661 ton ət (diri çəkidə), 27 min 163 ton süd, 9.520 min ədəd yumurta, 9 min 231 ton quş əti (diri çəkidə), 283 ton yun istehsal olunub. 2017-ci ilin eyni dövrü ilə müqayisədə ötən il süd istehsalı 10,8, yumurta istehsalı 20,2, yun istehsalı isə 1 faiz artıb.
Bölmənin digər xəbərləri
