Bakı, 11 sentyabr, AZƏRTAC

Prezident İlham Əliyevin məni “Şöhrət” ordeninə layiq görməyi çox sevindiricidir. Bu, mənim üçün çempionluqlardan daha önəmlidir.

AZƏRTAC xəbər verir ki, bu sözləri “Paris-2024” Yay Paralimpiya Oyunlarında uzunluğa tullanma üzrə yarışda qızıl medal qazanmış Azərbaycan paraatleti Orxan Aslanov jurnalistlərə açıqlamasında deyib.

T13 kateqoriyasında çıxış edən idmançı Parisdən yaxşı təəssüratlarla döndüyünü söyləyib: “Ötən gün təltif edilməyimlə bağlı xəbəri eşidəndə çox xoşbəxt oldum. Buna görə dövlət başçımıza təşəkkür edirəm. Əslində ürəyim doludur, deyiləcək çox şey var. Danışsam, çox vaxt aparacaq”.