PAYTAXTDA VƏ FÜZULİ RAYONUNDA AVTOMOBİLLƏR AĞIR QƏZAYA UĞRAMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, mayın 25-də Füzuli rayonunun Böyük Bəhmənli kəndi ərazisində Seyidmahmudlu kənd sakini Eynulla Əliyev idarə etdiyi “VAZ-21011” markalı avtomaşını qarşıda gedən Aşağı Yağlıvənd kənd sakini İbrahim Məhərrəmova məxsus “Belarus” markalı traktora vurmuş, sonra yoldan çıxaraq və qarşıdan gələn Qorqan kənd sakini Xalid Məmmədovun idarə etdiyi “VAZ-2106” markalı avtomaşınla toqquşmuşdur.
Xəsarət almış hər üç sürücü, habelə sərnişinlər - Mahmudlu kənd sakinləri Güloğlan Əhmədov, Nicat İbişov, Böyük Bəhmənli kənd sakinləri Nurəddin Əliyev və Ədalət Əliyev xəstəxanaya yerləşdirilmişlər. G.Əhmədovun həyatını xilas etmək mümkün olmamışdır.
Mayın 25-də Bakı şəhər sakini Razi Aslanov sürdüyü “Opel-Vectra” markalı avtomaşını Nəsimi rayonu ərazisindəki Neftçilər prospektində yolun kənarındakı ağaca vurmuşdur. Qəza zamanı R.Aslanov və avtomobilin sərnişini Elman Nəzərəliyev hadisə yerində ölmüşlər.
Faktlarla bağlı araşdırma aparılır.
Bölmənin digər xəbərləri
