Bakı, 27 sentyabr, AZƏRTAC

Azərbaycan Dövlət Pedaqoji Universitetində (ADPU) 27 Sentyabr – Anım Gününə həsr olunan tədbir keçirilib.

ADPU-dan AZƏRTAC-a bildirilib ki, universitet rəhbərliyi tərəfindən ali təhsil ocağında “Zəfər guşəsi” ziyarət edilib, guşəyə tər çiçəklər düzülüb.

Mərasim iştirakçıları müasir müstəqil Azərbaycan dövlətinin memarı və qurucusu Ulu Öndər Heydər Əliyevin universitetin foyesində ucaldılmış abidəsini ziyarət edib, xatirəsini ehtiramla yad ediblər.

Həmçinin universitetin fakültələrində Anım Günü müxtəlif tədbirlərlə qeyd olunub, Vətən uğrunda canlarından keçən qəhrəman övladların xatirəsi anılıb.