Pestisidlərin dövriyyəsinə nəzarət mexanizmləri müzakirə olunub
Bakı, 26 yanvar, AZƏRTAC
Qida Təhlükəsizliyi İnstitutunda aidiyyəti qurumların iştirakı ilə “Pestisidlərin dövriyyəsinə nəzarət mexanizminin təkmilləşdirilməsi” mövzusunda təqdimat keçirilib.
Qida Təhlükəsizliyi Agentliyinin informasiya təminatı və innovativ həllər şöbəsindən AZƏRTAC-a verilən məlumata görə, tədbirdə Qida Təhlükəsizliyi Agentliyinin Bitki sağlamlığı və fitosanitar nəzarəti şöbəsinin əməkdaşları, Ekspert Şurasının və İnventarlaşdırma Komissiyasının aidiyyəti nazirlikdən olan üzvləri, Qida Təhlükəsizliyi İnstitutunun rəhbərliyi və aidiyyəti mərkəz, departament və laboratoriyalarının əməkdaşları iştirak ediblər.
Tədbirdə elmi-tədqiqat işləri barədə iştirakçılara məlumat verilib, pestisidlərin və aqrokimyəvi maddələrin dövriyyəsinə nəzarət mexanizmlərinin beynəlxalq və milli müstəvidə müqayisəsi diqqətə çatdırılıb. Təqdimat çərçivəsində pestisidlərdən idarəetmə mexanizminin təkmilləşdirilməsi, istifadəsinə icazə verilən yüksək toksiki-ekoloji təhlükəli pestisidlərin tətbiqi qaydalarının, eləcə də aqrokimyəvi maddələrin dövlət sınağının aparılması və qeydiyyata alınması qaydalarının beynəlxalq tələblərə uyğunlaşdırılması və bitki mühafizə vasitələrinin milli məlumat bazasının yaradılması məsələləri geniş müzakirə edilib.
Bölmənin digər xəbərləri
