POLİS ƏMƏKDAŞLARI CİNAYƏTKARLARI YAXALAMIŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Mingəçevir şəhəri ərazisində, Yevlax rayon sakini Səfər Rzayev idarə etdiyi “BMW” markalı avtomaşınla Şaiq Məmmədovun idarə etdiyi “Nissan” markalı avtomaşını təqib edərək, arxadan onu vurmuşdur.
Nəticədə “BMW”-nin sərnişini, Gəncə şəhər sakini Feyruz Nəsibov ölmüşdür. S.Rzayev və sərnişinlər - Yevlax rayon sakini İlham Seyidov və Bərdə rayon sakini Saleh Əliyev isə hadisə yerindən qaçmağa cəhd göstərmiş, lakin Mingəçevir Şəhər Polis Şöbəsi əməkdaşlarının keçirdikləri əməliyyat tədbirləri nəticəsində tutulmuşlar. Hadisə yerinin yaxınlığından S.Rzayev tərəfindən atılmış “ME-38 Kompakt” markalı tapança aşkar edilərək götürülmüşdür.
Faktla bağlı cinayət işi açılmışdır, araşdırmalar aparılır.
Bölmənin digər xəbərləri
