Polşa Respublikasının Prezidenti Bronislav Komorovski Azərbaycana rəsmi səfərə gəlmişdir
Bakı, 25 iyul (AZƏRTAC). Polşa Respublikasının Prezidenti Bronislav Komorovski iyulun 25-də Azərbaycan Respublikasına rəsmi səfərə gəlmişdir.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.
Polşa Respublikasının Prezidenti Bronislav Komorovskini hava limanında Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər qarşıladılar.
Hava limanının ali qonaqlar üçün salonunda Prezident Bronislav Komorovski və Baş nazirin birinci müavini Yaqub Eyyubov arasında qısa protokol söhbəti oldu.
######
Bölmənin digər xəbərləri
