Bakı, 25 sentyabr, AZƏRTAC

Polşanın xarici işlər naziri Zbiqnev Rau Almaniya Kansleri Olaf Şolsu vizaların verilməsində mümkün pozuntularla bağlı qalmaqalla bağlı Varşavanı tənqid etdiyinə görə respublikanın daxili işlərinə qarışmaqda ittiham edib.

AZƏRTAC xəbər verir ki, bu barədə Z.Rau “X” sosial şəbəkəsindəki səhifəsində yazıb.

Onun sözlərinə görə, Almaniya Kansleri Olaf Şolzun son bəyanatı Polşa ilə mehriban qonşuluq və dostluq münasibətlərinin əsasını təşkil edən dövlətlərin suveren bərabərliyi prinsiplərini pozur.

“Şolzun bəyanatları Polşa dövlətinin daxili işlərinə və ölkədə keçirilən seçki kampaniyasına müdaxilə cəhdindən xəbər verir. İkitərəfli münasibətlərin yaxşı olması naminə mən Almaniya Kanslerini Polşanın suverenliyinə hörmət etməyə və münasibətlərimizə xələl gətirən bəyanatlardan çəkinməyə çağırıram”, - deyə diplomat bildirib.