Polşada gənc işçilər gəlir vergisindən azad olunublar
Varşava, 6 iyul, AZƏRTAC
Polşa parlamenti qanunvericilikdə gənclərlə bağlı müəyyən dəyişikliklər edib.
AZƏRTAC xəbər verir ki, yeni qaydalara əsasən, yaşı 26-dan aşağı olan işçilər əməkhaqqından vergi ödəməyəcəklər. Bu qərar gənc polyakların ölkəni kütləvi surətdə tərk etmələrinin qarşısını almaq üçün atılıb.
Yaşı 26-dan aşağı olanlar ildə 20 min avrodan az əməkhaqqı alırsa onlar vergi ödəməyəcəklər. Məbləğ bundan çox olduğu təqdirdə ödəniləcək vergi isə illik 18 faiz təşkil edəcək. Qeyd edək ki, Polşada orta illik əməkhaqqı 14 min avrodur. Qanun avqustun 1-dən qüvvəyə minəcək.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
