Prezident İlham Əliyev Şəhid Rəcai limanında baş vermiş partlayışa görə iranlı həmkarına başsağlığı verib
Bakı, 27 aprel, AZƏRTAC
Azərbaycan Respublikasının Prezidenti İlham Əliyev Bəndər Abbas şəhərindəki Şəhid Rəcai limanında baş vermiş partlayış nəticəsində insan tələfatı və çox sayda yaralının olması ilə əlaqədar İran İslam Respublikasının Prezidenti Məsud Pezeşkiana başsağlığı verib.
AZƏRTAC xəbər verir ki, dövlətimizin başçısı məktubunda qeyd edib: “Bəndər Abbas şəhərindəki Şəhid Rəcai limanında baş vermiş partlayış nəticəsində insan tələfatı və çox sayda yaralı barədə xəbər bizi son dərəcə kədərləndirdi. Bu faciə ilə əlaqədar Sizə, həlak olanların ailələrinə və yaxınlarına, bütün İran xalqına şəxsən öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm”.
Bölmənin digər xəbərləri
