Bakı, 13 avqust (AZƏRTAC). Azərbaycan güləşçilərini XXX London Yay Olimpiya Oyunlarında fəxri kürsünün ən yüksək pilləsində görmək hər bir azərbaycanlı kimi mənim də qəlbimi fərəh hissi ilə doldurdu. Bu gün fəxrlə deyə bilərik ki, Prezident İlham Əliyevin idmanın inkişafına göstərdiyi yüksək diqqət və qayğı artıq öz bəhrəsini verir.

Bu sözləri AZƏRTAC-a müsahibəsində Bakı şəhər sakini, yazıçı-publisist Ramin Məmmədov demişdir.

Azərbaycanın bütün sahələrdə olduğu kimi, idmanda da özünü təsdiq etdiyini qürur hissi ilə vurğulayan R.Məmmədov demişdir: “Bütün qələbələrimizin kökündə dövlətimizin başçısının fəaliyyəti, apardığı uğurlu siyasət dayanır”.