QARS-AXALKALAKİ-TBİLİSİ-BAKI DƏMİR YOLU CƏKİLƏCƏKDİR

11.01.2007 [19:50]
Çap et
A⁺ A^-

AZƏRTAC-ın xüsusi müxbirinin verdiyi xəbərə görə Gürcüstanın xarici işlər naziri Gela Bejuaşvili bildirmişdir ki, ABŞ-ın Qars-Axalkalaki-Tbilisi-Bakı dəmir yolunun tikintisini maliyyələşdirmək istəməməsinə baxmayaraq, bu layihə həyata keçiriləcəkdir. ABŞ banklarının bu layihəni maliyyələşdirməyəcəyi çoxdan məlumdur və Vaşinqtonun buna tam hüququ var.

Bejuaşvili ABŞ dövlət katibinin müavini Mətyu Brayzənin bu məsələ ilə əlaqədar bəyanatına münasibət bildirərək demişdir: ”Bu barədə bizim məlumatımız var. Lakin layihənin maliyyələşdirilməsinin digər mənbələri də mövcuddur. Layihə məhz həmin mənbədən maliyyələşdiriləcəkdir. Layihənin inşasına dair qərar artıq qəbul olunmuşdur. Bu, olduqca mühüm layihədir və Asiyadan Avropaya yük daşınmasına xidmət edəcəkdir”.

Xatırladaq ki, Qars-Axalkalaki-Tbilisi-Bakı dəmir yolu magistralı layihəsinin dəyəri təxminən 400 milyon dollar məbləğində qiymətləndirilir.