QARŞIDAKI BİR İL ƏRZİNDƏ BAKIDA SƏRNİŞİNDAŞIMADA MİKROAVTOBUSLARA TƏLƏBAT ARADAN QALXACAQDIR
Nəqliyyat nazirinin müavini Musa Pənahov AZƏRTAC-a bildirmişdir ki, qarşıdakı bir il ərzində paytaxtda sərnişinlərin daşınması üçün mikroavtobuslara tələbat tamamilə aradan qalxacaqdır.
M.Pənahov qeyd etmişdir ki, yaxın vaxtlarda Azərbaycana Almaniya, Koreya Respublikası və Belarus istehsalı olan daha 350 orta və irihəcmli avtobus gətiriləcəkdir.
Bu günlərdə Koreya Respublikasının “Daewoo international” şirkətindən 300 avtobusun, o cümlədən geniş küçələr üçün MAN və MAZ markalı 50 avtobusun alınması barədə razılaşma imzalanmışdır. Buraya yüksək xidmət keyfiyəti ilə seçilən və dəyəri 90 min dollar olan avtobuslar da daxildir.
Yaxın keçmişdə Azərbaycana gətirilmiş “Daewoo” markalı avtobusların xəttə buraxilmasi nəticəsində 300-dək mikroavtobus marşrutlardan çıxarılmışdır.
Cari ildə Azərbaycan paytaxtına 1000-dək orta və irihəcmli avtobusun gətirilməsi planlaşdırılır.
Bölmənin digər xəbərləri
