“QATİL” TAMAŞASINA İCTİMAİ BAXIŞ OLMUŞDUR
Teatrın truppa müdiri Məmmədşah Atayev AZƏRTAC-ın müxbirinə demişdir ki, tamaşanın quruluşçu rejissoru Mehriban Ələkbərzadə, rəssamı Dövlət mükafatı laureatı, əməkdar rəssam Nazim Bəykişiyev, bəstəkarı Aygün Səmədzadədir.
Əsas rollarda xalq artistləri Firəngiz Mütəllimova, Yaşar Nuri, əməkdar artistlər Şükufə Yusupova, Həmidə Ömərova, Sabir Məmmədov, Elxan Quliyev, Mətanət Atakişiyeva və başqaları çıxış etmişlər.
Cəsarətlə demək olar ki, Elçinin “Qatil”i milli dramaturgiyamızda ən ağır psixoloji yükü olan pyesdir. Tamaşaçılar bu əsərdə də yazıçının yaradıcılığına xas olan cəhətləri - dərin psixologizmi, parlaq surətlər qalereyasının özünəməxsusluğunu, incə, bir çox məqamlarda isə acı yumoru, aşıladığı fikir və dəyərləri duya biləcəklər.
İctimai baxışda aktyorların oyunu yüksək qiymətləndirilmiş və tamaşa kütləvi nümayiş üçün qəbul olunmuşdur.
İlk tamaşalar sentyabrın 26-da və 27-də göstəriləcəkdir.
Bölmənin digər xəbərləri
