QAZAXISTAN PARLAMENTİ MƏCLİSİNİN İLK İCLASI KEÇİRİLMİŞDİR
MƏCLİSİN SƏDRİ VƏ MÜAVİNLƏRİ SEÇİLMİŞLƏR
AZƏRTAC-ın xüsusi müxbiri xəbər verir ki, sentyabrın 2-də Qazaxıstan parlamenti Məclisinin dördüncü çağırış birinci sessiyası keçirilmişdir. İclası Mərkəzi Seçki Komissiyasının sədri Kuandık Turqunkulov açmışdır. Sessiyada 47 senator, həmçinin 107 məclis üzvündən 106-sı iştirak etmişdir.
İclasda Qazaxıstan Prezidenti Nursultan Nazarbayev çıxış edərək deputatları təbrik etmiş, onlara bu vəzəfədə uğurlar arzulamış, parlamentin yaxın illər ərzində görəcəyi işlər haqqında danışmışdır.
Sessiyada təşkilati məsələyə baxılmışdır. Hökumət sədrinin müavini işləmiş Aslan Musin Məclisin sədri, Sergey Dyaçenko və Bakıtjan Jumaqulov sədrin müavinləri seçilmişlər.
Qazaxıstanın Baş naziri Kərim Məsimov ilk iclasda Konstitusiyaya uyğun olaraq hökumətə etimad məsələsini müzakirə etməyi xahiş etmişdir.
Məclis üzvləri yekdilliklə hökumətə etimad göstərilməsinə səs vermişlər.
Bölmənin digər xəbərləri
