Qazaxıstan və Macarıstan “Dostluq” boru kəməri ilə neftin sınaq nəqlinə dair razılığa gəlib
Astana, 17 fevral, AZƏRTAC
Qazaxıstanın energetika naziri Almasadam Satkaliyevlə Macarıstanın xarici işlər və xarici ticarət naziri Peter Siyarto arasında Astanada keçirilmiş görüşdə Qazaxıstan neftinin “Dostluq” boru kəməri ilə Macarıstana daşınması məsələsi müzakirə edilib.
AZƏRTAC Qazaxıstanın Energetika Nazirliyinin mətbuat xidmətinə istinadla xəbər verir ki, 2025-ci il ərzində neftin sınaq rejimində daşınmasına dair razılıq əldə olunub.
Görüşdə “KazMunayQaz” və “MOL Group” şirkətləri arasında neft-qaz sahəsində əməkdaşlıq məsələlərinə xüsusi diqqət ayrılıb.
Tərəflər hər iki şirkətin iştirak etdiyi “Rojkov” qaz-kondensat yatağının səmərəli istismarının zəruriliyini vurğulayıblar.
Qazaxıstan tərəfi AES üçün quru soyutma qüllələrinin istehsalı üzrə macar həmkarlarının, xüsusən “MVM Group” şirkətinin təcrübəsini öyrənməkdə maraqlı olduğunu qeyd edib.
Elşən Rüstəmov
AZƏRTAC-In xüsusi müxbiri
Astana
Bölmənin digər xəbərləri
