Bakı, 22 dekabr (AZƏRTAC). “Qəbələ” klubu qış fasiləsini gözləmədən bir futbolçusu ilə yollarını ayırmışdır.

AZƏRTAC xəbər verir ki, “Qəbələ” Fil Dişi Sahilindən olan hücumçu Serje Cehuadan imtina etmişdir.

S.Cehua komandaya oktyabrda transfer olunmuşdu. Lakin onunla cəmi 2 aylıq müqavilə imzalanmışdı. Baş məşqçi Toni Adamsın istefasından sonra komandaya rəhbərlik etməyə başlayan Fatih Kavlak isə futbolçu ilə anlaşmanın müddətinin uzadılmasına ehtiyac olmadığını bildirmişdir.

Futbolçu iki ay ərzində “Qəbələ”nin heyətində 4 qol vurmuşdur.