QƏRBİ AVROPA BİRLİYİ SESSİYASINDA
Qərbi Avropa Birliyinin Parisdəki iqamətgahında bu təşkilatın 48-ci sessiyası keçirilmişdir. Sessiyada birgə Avropa təhlükəsizliyi, Beynəlxalq terrorizmlə mübarizə, Qara Dəniz İqtisadi Əməkdaşlıq Təşkilatı Parlament Assambleyasının Qərbi Avropa Birliyində fəaliyyəti və digər məsələlər geniş müzakirə edilmişdir. Sessiyanı Qərbi Avropa Birliyi Parlament Assambleyasının sədri Klaus Buxler giriş sözü ilə açmış, İspaniyanın müdafiə naziri və Portuqaliyanın xarici işlər naziri müzakirə olunan məsələlər barədə məruzə etmişlər.
Sessiyada Qara Dəniz İqtisadi Əməkdaşlıq Təşkilatını bu təşkilatın vitse-prezidenti, Azərbaycan Milli Məclisinin deputatı Yaşar Əliyev təmsil etmişdir.
Yavər Əliyev Avropa Şurası Parlament Assambleyasının keçmiş sədri Lord Rassel Conston, Rusiya Dövlət Duması Sədrinin müavini və qardaş Türkiyədən olan həmkarları ilə görüşmüş, ikitərəfli əməkdaşlıq məsələləri barədə fikir mübadiləsi aparmışdır.
Qərbi Avropa Birliyinin üzvü olan dövlətlərin nümayəndələri sessiyada Azərbaycanın QDİƏT-i təmsil etməsini mühüm hadisə adlandırmış, ölkəmizə göstərilmiş yüksək etimadı xüsusi vurğulamış, beynəlxalq aləmdə respublikamızın nüfuzunun getdikcə yüksəldiyini qeyd etmişlər.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
