“QƏRBİ AZƏRİ” VƏ “ŞƏRQİ AZƏRİ” PLATFORMALARINDAN GÜNDƏ 334 MİN BARREL NEFT HASİL EDİLƏCƏKDİR
bp-Azərbaycan şirkətindən AZƏRTAC-a bildirmişlər ki, “Qərbi Azəri” platformasında hazırda doqquz quyu istismardadır. Bunların səkkizi hasilat quyusudur. Hazırda “Qərbi Azəri” platformasında gün ərzində təqribən 210 min barrel neft hasil olunur. 2006-cı il yanvarın əvvəlində hasilat başlanandan 2007-ci ilin ikinci rübünün sonunadək “Qərbi Azəri” platformasında 65 milyon barreldən (8,8 milyon tondan) artıq neft hasil olunmuşdur.
“Şərqi Azəri” yatağında hazırda yeddi hasilat quyusundan gündə təqribən 124 min barrel neft çıxır və 2006-cı il oktyabrın əvvəlində hasilat başlanandan 2007-ci ilin ikinci rübünün sonunadək “Şərqi Azəri” platformasından 27 milyon barreldən (3,6 milyon tondan) artıq neft hasil olunmuşdur.
Bölmənin digər xəbərləri
