QƏZANIN NƏTİCƏLƏRİ ARADAN QALDIRILMIŞDIR
“Akkord SDİ” Şirkətlər Qrupunun ictimaiyyətlə əlaqələr şöbəsindən AZƏRTAC-a bildirmişlər ki, oktyabrın 20-də Sabuncu rayonu, Bakıxanov qəsəbəsi, 2595-ci məhəllədə şirkətlər qrupu tərəfindən inşa edilən yaşayış kompleksinin yaxınlığında mərkəzi su xəttinin sıradan cıxması nəticəsində həmin ərazidən kecən yolun 100 metrdən artıq hissəsi çökərək yararsiz vəziyyətə düşmüşdü.
Qəza nəticəsində böyük həcmdə su şirkət tərəfindən inşa edilən binalardan birinin bünövrəsinə dolmuşdu.
“Akkord SDİ” tərəfindən oktyabrın 23-ü səhər yolun bərpa olunması işləri başa catdırılmış, ərazidə avtomobillərin hərəkətində yaranmış məhdudiyyətlər aradan qaldırılmışdır. Artıq tikilməkdə olan binanın bünövrəsinə yığılan su da nasoslar vasitəsilə cəkilmiş və tikintidə işlər bərpa olunmuşdur.
Bölmənin digər xəbərləri
