Bakı, 14 avqust (AZƏRTAC). Cari ilin avqustun 17–də Bakı Fond Birjasında (BFB) ümumi məbləği 20 milyon manat, bir istiqrazın nominal dəyəri 100 manat olan dövlət qısamüddətli istiqrazların (DQİ) yerləşdirilməsi üzrə hərrac keçiriləcəkdir.

Tədavül müddəti 35 gün olan istiqrazlar 2010-cu il sentyabrın 21-də ödəniləcəkdir.

Hərrac zamanı, DQİ buraxılışının 20 faizdən artıq olmamaq şərti ilə qeyri-rəqabətli sifarişlərin qəbul edilməsinə icazə verilir.