“Qızıl top” mükafatına namizədlərin adları açıqlanıb
Bakı, 28 oktyabr, AZƏRTAC FİFA 2014-ci ilin ən yaxşı futbolçusuna veriləcək “Qızıl top” mükafatına namizədlərin adını açıqlayıb.
AZƏRTAC xəbər verir ki, 23 futbolçunun yer aldığı siyahıda “Bavariya”, “Real” və “Barselona” klubunun oyunçuları üstünlük təşkil edib.
Siyahıda Bastian Şvaynştayqer, Mario Qötze, Filipp Lam, Tomas Müler, Manuel Noyer (hamısı Almaniya, “Bavariya”), Aryen Robben (Hollandiya, “Bavariya”), Qaret Beyl (Uels, “Real”), Kərim Benzema (Fransa, “Real”), Kriştiano Ronaldo (Portuqaliya, “Real”), Toni Kroos (Almaniya, “Real”), Serxio Ramos (İspaniya, “Real”), Xames Rodriqes (Kolumbiya, “Real”), Dieqo Kosta (İspaniya, “Çelsi”), Tibo Kurtua, Eden Hazard (hər ikisi Belçika, “Çelsi”), Anxel di Mariya (Argentina, “Mançester Yunayted”), Zlatan İbrahimoviç (İsveç, PSJ), Yaya Ture (Fil Dişi Sahili, “Mançester Siti”), Pol Poqba (Fransa, “Yuventus”), Neymar (Braziliya, “Barselona”), Lionel Messi, Xavyer Maskerano (hər ikisi Argentina, “Barselona”) və Andres İnyesta (İspaniya, “Barselona”) yer alıblar.
Bölmənin digər xəbərləri
