QORAN LENMARKER: MÜNAQİŞƏNİN HƏLLİ REGİONA TƏRƏQQİ VƏ SABİTLİK GƏTİRƏCƏKDİR
Azərbaycanın İsveç Krallığındakı səfirliyindən AZƏRTAC-a bildirmişlər ki, səfir Rafael İbrahimov ölkə parlamentinin xarici işlər üzrə komitəsinin sədri, ATƏT-in Parlament Assambleyasının sədri Qoran Lenmarker ilə görüşmüşdür.
Görüşdə Dağlıq Qarabağ münaqişəsinə, Avropaya inteqrasiya, Azərbaycanın iqtisadi inkişafına, ölkələrimiz arasında ikitərəfli münasibətlərə dair məsələlər müzakirə olunmuşdur.
Qoran Lenmarker Azərbaycanın həm siyasi, həm də iqtisadi baxımdan regionda çox fəal və vacib ölkə olduğunu qeyd etmişdir. O, Ermənistan-Azərbaycan, Dağlıq Qarabağ münaqişəsinin tez bir zamanda həllinin Avropanın cənubunda yerləşən belə bir vacib regiona tərəqqi və sabitlik gətirəcəyini vurğulamışdır.
Bölmənin digər xəbərləri
