Qubalı məktəbli: Cənub bölgəsi ilə tanışlıq yaddaşımdan heç vaxt silinməyəcək
Lənkəran, 18 mart, Bağır Əliyev, AZƏRTAC
Tur-aksiya zamanı yaddaşımda daha dərin izlər buraxan tarixi abidələrlə tanışlıq oldu. Lənkəranda “Dairəvi qala”, “Qoşa qala qapıları”, “Mayak” binası, “Xan sarayı”, Astarada “Yanar bulaq”, Masallıda tarix-diyarşünaslıq muzeyi ilə tanışlıq yaddaşımdan heç vaxt silinməyəcək. Bütün bunlar Azərbaycanın qədim tarixə və mədəniyyətə malik olduğunu bir daha sübut edir.
Bu sözləri AZƏRTAC-a müsahibəsində “Ölkəmizi tanıyaq” devizi ilə keçirilən tur-aksiya çərçivəsində cənub bölgəsinə səyahət edən Quba şəhərindəki texniki təmayüllü liseyin XI sinif şagirdi Ruslan Babayev bildirib.
R.Babayev daha sonra deyib: “Cənub bölgəsindən zəngin təəssüratlarla ayrılırıq. Bu yerlərin füsunkar təbiəti, tarixi abidələri, zəngin milli mətbəxi, müasir üslubla tikilmiş binaları və mehriban insanları heç vaxt yaddaşımızdan silinməyəcək.”
Bölmənin digər xəbərləri
