Bakı, 13 avqust (AZƏRTAC). Artıq bir neçə ildir ki, mədə-bağırsaq traktını diaqnostika etmək məqsədi ilə istifadə olunan videokameralı quyruqlu həblər mövcuddur. Lakin indiyə qədər bu həblər həzm traktı ilə öz sürüşkənliyi hesabına hərəkət edirdi.

Azərbaycan Milli Elmlər Akademiyasından AZƏRTAC-a bildirmişlər ki, Yaponiyanın Ryukoku Universitetində elə bir quyruqlu videohəblər hazırlanıb ki, bu da digərlərindən fərqli olaraq, çömçəquyruq kimi daha aktiv hərəkət edə bilir.

Kamera saniyədə iki kadr çəkərək onları radiokanal vasitəsi ilə ötürür. Qurğunun hərəkətini radio ilə idarə etmək olur ki, bu da öz növbəsində, həkimlərə onları maraqlandıran nahiyəni müayinə etməyə imkan verir.