RESPUBLİKA GÜNÜ İLƏ ƏLAQƏDAR AZƏRBAYCANIN TEHRANDAKI SƏFİRLİYİNDƏ RƏSMİ QƏBUL KEÇİRİLMİŞDİR
AZƏRTAC-ın xüsusi müxbiri xəbər verir ki, Azərbaycanın İrandakı səfirliyində 28 may-Respublika günü münasibətilə rəsmi qəbul təşkil edilmişdir. Qəbulda Tehranda fəaliyyət göstərən diplomatik korpusun və beynəlxalq təşkilatların rəhbərləri, İranın dövlər rəsmiləri, şəhər ictimaiyyətinin tanınmış nümayəndələri iştirak etmişlər.
Azərbaycan Xalq Cümhuriyyətinin tarixi, ümummilli lider Heydər Əliyev tərəfindən möhkəm təməl üzərində qurulan dövlətçiliyimizin qüdrətini təsdiq edən faktlar, Prezident İlham Əliyevin rəhbərliyi altında əldə olunan uğur və nailiyyətlər, Azərbaycan həqiqətlərinə dair onlarla kitab, bröşür, qəzet və jurnal iştirakçılar tərəfindən maraqla qarşılanmışdır.
Sonda xalq artisti Mənsum İbrahimovun iştirakı ilə konsert olmuşdur.
Bölmənin digər xəbərləri
