Rusiya nümayəndə heyəti ümummilli lider Heydər Əliyevin və şəhidlərin xatirəsini anmışdır
Bakı, 14 aprel (AZƏRTAC). Ulyanovsk vilayətinin qubernatoru Sergey Morozovun başçılıq etdiyi Rusiya nümayəndə heyəti Azərbaycana işgüzar səfərə gəlmişdir. AZƏRTAC xəbər verir ki, aprelin 14-də qonaqlar Fəxri xiyabana gedərək, xalqımızın Ümummilli Lideri, müasir Azərbaycan dövlətinin memarı və qurucusu Heydər Əliyevin xatirəsini anmış, məzarı qarşısına əklil qoymuşlar.
Sonra görkəmli oftalmoloq-alim, akademik Zərifə Əliyevanın xatirəsi anılmış, məzarı üzərinə güllər qoyulmuşdur.
Rusiya nümayəndə heyəti zəmanəmizin böyük musiqiçisi, Azərbaycan və SSRİ Xalq Artisti Müslüm Maqomayevin də xatirəsini anmış, məzarı üzərinə güllər qoymuşlar.
Sonra qonaqlar Şəhidlər xiyabanına gedərək, Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini anmış, “Əbədi məşəl” abidəsinin qarşısına əklil qoymuşlar.
Qonaqlar Bakının ən uca nöqtəsindən Azərbaycan paytaxtının mənzərəsini seyr etmişlər. Onlara Şəhidlər xiyabanının tarixi, ölkəmizdə həyata keçirilən tikinti və abadlaşdırma işləri barədə məlumat verilmişdir.
Bölmənin digər xəbərləri
