Rusiyada polis nəfəri tapdığı böyük məbləğdə pulu sahibinə qaytarıb
Moskva, 7 yanvar, AZƏRTAC
Rusiyada polis nəfəri Yakutsk sakininin küçədə saldığı böyük məbləğdə pulu - 100 min rublu (təxminən 2500 AZN) taparaq sahibinə qaytarıb.
AZƏRTAC Rusiya KİV-lərinə istinadla xəbər verir ki, bankdan böyük məbləğdə pul götürən Yakutsk sakini evə çatdıqda vəsaitin gödəkcənin cibindən düşdüyünü aşkar edib.
İtən pul vəsaitini tapan sahə polisi Leonid Lebedev bu barədə növbətçi hissəyə xəbər verib, həmçinin sosial şəbəkələrdə elan yerləşdirib. Pulun sahibini sosial şəbəkələr vasitəsilə tapmaq mümkün olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
