Sabiq Prezident: Bakı Forumu böhranların mənfi təsirlərinin aradan qaldırılması üçün çıxış yolları tapmaq baxımından əla fürsətdir VİDEO
Bakı, 14 mart, AZƏRTAC
Bakı Forumu, burada müzakirə olunan mövzular dünya böhranlarının, geosiyasi dəyişikliklərin mənfi təsirlərinin aradan qaldırılması üçün çıxış yolları tapmaq baxımından əla fürsətdir. Çünki hazırda geosiyasi vəziyyət həqiqətən də şokedicidir.
AZƏRTAC xəbər verir ki, bu sözləri XII Qlobal Bakı Forumunun “Sülhə gedən yol” adlı panel iclasında Monteneqronun sabiq Prezidenti Milo Cukanoviç deyib.
Onun sözlərinə görə, geosiyasi dəyişikliklər beynəlxalq hüquqları heçə endirir. “Bütün müharibələr, ən kiçik qarşıdurmalar belə dünyanın inkişafına təhdiddir. Xaosun davamlı olaraq artması xüsusilə Qərb ölkələrini daha çox narahat edir. Biz dəyərlərin sarsılmasının, siyasətin keyfiyyətinin azalmasının şahidi oluruq. Əgər insan hüquqlarının qorunmasına daha çox diqqət yetirməsək, ciddi fəsadlarla üzləşə bilərik. Dünyanın üzləşdiyi problemlər sonradan xaosa səbəb olacaq. Düşünürəm ki, demokratik dünya buna imkan verməməlidir. Biz yalnız bir ölkə haqqında deyil, bütün dünyanın üzləşdiyi problemlərin həll yollarından danışmalıyıq”, - deyə Monteneqronun sabiq Prezidenti bildirib.
Bölmənin digər xəbərləri
