Sabirabadda süni mayalama texniklərinin respublika seminar-müşavirəsi keçiriləcəkdir
Bakı, 4 may (AZƏRTAC). Mayın 18-də Sabirabad rayonunda süni mayalama texniklərinin respublika seminar-müşavirəsi keçiriləcəkdir.
Kənd Təsərrüfatı Nazirliyinin mətbuat xidmətindən AZƏRTAC-a bildirmişlər ki, seminar-müşavirənin məqsədi süni mayalama tədbirlərinin genişləndirilməsi və heyvandarlıqda süni mayalama işinin daha da yaxşılaşdırılmasıdır. Tədbirdə süni mayalama texnikləri, şəhər və rayon icra hakimiyyəti başçılarının aqrar məsələlər üzrə müavinləri, rayon baytarlıq idarələrinin rəisləri, süni mayalama mərkəzinin müdirləri iştirak edəcəklər.
Qeyd edək ki, süni mayalama mal-qaranın cins tərkibinin yaxşılaşdırılmasında və məhsul istehsalının intensiv artırılmasında mühüm rol oynayır.
Bölmənin digər xəbərləri
