Şahbuzlu məktəblilər tibbi müayinədən keçiblər
Şahbuz, 19 oktyabr, AZƏRTAC
Şahbuz Rayon Mərkəzi Xəstəxanasının həkimləri tərəfindən bu ay ərzində rayonun 12 ümumtəhsil məktəbində tibbi müayinələr aparılıb.
AZƏRTAC xəbər verir ki, müayinələr aparmaq üçün xəstəxanada cərrah, pediatr, LOR, ginekoloq, stomatoloq və digər ixtisaslı həkimlərdən ibarət briqada təşkil edilib.
Xəstəxananın həkimləri şagirdlərlə görüşərək onlara bu yaşda yarana biləcək xəstəliklər, erkən nikah, onun yaratdığı problemlər və digər məsələlər barədə məlumat veriblər.
Müayinələr oktyabrın 31-dək davam etdiriləcək.
Bölmənin digər xəbərləri
