İQTİSADİYYAT
“Şahdəniz" qaz-kondensat yatağında yeni platforma tikiləcək
Bakı, 24 yanvar, AZƏRTAC
bp Xəzər dənizinin Azərbaycan sektorunda yerləşən “Şahdəniz” qaz-kondensat yatağında yeni platforma tikəcək.
AZƏRTAC xəbər verir ki, bu sözləri jurnalistlərə açıqlamasında bp Azerbaijan şirkətinin mətbuat xidmətinin rəhbəri Tamam Bayatlı bildirib.
O qeyd edib ki, həmin platforma insan iştirakı olmadan fəaliyyət göstərəcək.
“Alpha” və “Bravo” platformalarından gələn aşağıtəzyiqli qaz burada toplanacaq və təzyiq artdıqdan sonra Səngəçal terminalına ötürüləcək”, - deyə o bildirib.
Qeyd edək ki, yeni platformanın tikintisi layihəsi gələn həftə ictimaiyyətə təqdim ediləcək, həmçinin yekun maliyyə qərarı bu il qəbul ediləcək.
Bölmənin digər xəbərləri
