SİYASƏT
Sahibə Qafarova: Sülh gündəliyi Azərbaycanın səyləri ilə addım-addım irəliyə aparılır VİDEO
Bakı, 7 noyabr, AZƏRTAC
Hazırda bölgədə daimi sülh və sabitlik yaradılması məqsədilə Azərbaycanın irəli sürdüyü prinsiplər əsasında Ermənistanla danışıqlar davam etdirilir. Göstərilən bütün təzyiqlərə, maneələrə, xüsusilə bölgədən kənar qüvvələrin cəhdlərinə baxmayaraq, sülh gündəliyi Azərbaycanın səyləri ilə addım-addım irəliyə aparılır.
AZƏRTAC xəbər verir ki, bu sözləri Milli Məclisin sədri Sahibə Qafarova parlamentin bu gün keçirilən iclasında deyib
O bildirib ki, Qarabağ və Şərqi Zəngəzurda bərpa və quruculuq işləri getdikcə geniş vüsət alır. Keçmiş məcburi köçkünlərimiz doğma yurdlarına köçərək dinc həyata başlayırlar. Prezident İlham Əliyev və Birinci vitse-prezident Mehriban Əliyeva müntəzəm olaraq bölgəyə səfərlər edir, aparılan işləri diqqətdə saxlayırlar.
